Jólatréð skreytt

Þar sem fjölskyldan er á leið til Íslands var jólatréð keypt í fyrra fallinu. Eins og sjá má er þetta ósköp mikill ræfill. Engu a síður hafði Einar Atli gaman að skreyta tréð og var með mjög ákveðnar skoðani á því hvar hver kúla átti að vera.

Kakódrengur

Í dag er Luciadagurinn haldinn hátíðlegur í Svíþjóð. Að venju klæðast börnin mismunandi búningum, ýmist sem litlir jólaálfar, englar o.s.frv. Einar Atli var klæddur sem piparkökukarl eins og sjá má á myndinni. Hefur ekki enn fengist til að fara úr búningnum þó framorðið sé orðið.

Mamma var að klippa strákinn sinn og það tókst bara ágætlega!! Við vorum líka að leika okkur með picasa forritið það er gaman að breyta og brasa með myndir af sætum strákum.

Föndurkvöld

Fjölskyldan var að koma af föndurkvöldi á leikskólanum hans Einars Atla. Allir tóku með sér eitthvað ætilegt til að hafa á hlaðborðið. Einar Atli valdi að sjálfsögðu mandarínur. Eins og Anna frænka í Igelfors hefur bent á þá fylgir mandarínuátinu ákveðinn galli sem hefur svo sannarlega gert vart við sig. Við því er hins vegar ekkert að gera nema að úða aðeins meira vellyktandi við bleyjuskiftin.

Og meira Gautó..

Heima í Gautó